Reclamam que o asturiano tenha mais presença nos meios de comunicaçom públicos das Astúrias

A Junta pola Defesa da Língua di que o idioma é usado apenas em 5% de as emissons da TV pública

Segunda, 03 Março 2014 17:30

A Academia da Língua Asturiana e 26 entidades, sindicatos e fundaçons reclamárom na semana passada à Junta Geral (Parlamento) que incremente a presença das línguas próprias do país nos canais do ente público Radiotelevisom do Principado das Astúrias (RTPA). As organizaçons figérom o pedido umha vez a Junta iniciou a tramitaçom parlamentar dumha lei de reestruturaçom do sector público, que afetará sobretodo a RTPA.

As organizaçons dim que os canais públicos de rádio e televisom "tenhem de ajudar ao processo de normalizaçom social do asturiano e do galego-asturiano, garantindo o acesso da cidadania a conteúdos na língua própria em todo os géneros e promovendo umha indústria audiovisual que garanta a produçom desses conteúdos".

Segundo dados da Junta para a Defesa da Língua Asturiana, a presença do asturiano nom ultrapassa 5% das emissons da televisom pública. Na rádio a percentagem é ainda mais baixa: 2%. Isso, a pesar de o Estatuto de Autonomia do Principado dizer que a língua "beneficiará de proteçom" e que "será promovido o seu uso, a sua difusom nos meios de comunicaçom social e o seu ensino".

FONTE: PORTAL GALEGO DA LÍNGUA