La XDLA pide a PSOE y PP qu'introduzan na Llei la normalización llingüística como otra de les misiones del serviciu públicu de RTPA

Foru Asturies y Izquierda Xunida yá enmendaron p'algamar esi oxetivu

La Xunta pola Defensa de la Llingua Asturiana (XDLA) pide a tolos partíos con representación parllamentaria qu’afiten a la RTPA como ferramienta de normalización social del asturianu na Llei nueva que se ta preparando. Depués de la superación esta mañana del Plenu de Totalidá colos votos de PSOE, PP ya IU, la organización cívica quier dirixise sobre too a socialistes y populares, porque Foru Asturies y Izquierda Xunida yá presentaron enmiendes qu'introducíen la normalización llingüística como una de les misiones del serviciu públicu de radio y televisión d'Asturies.

Otra manera, la XDLA recuerda’l manifiestu ‘Cinco puntos por unos medios al serviciu públicu d’Asturies’, al que se sumaron una trentena d'entidaes y que se presentó na sede de l’Academia de la Llingua Asturiana. El documentu apoyáu pola totalidá del asturianismu cultural y por una parte importante de los movimientos sindicales esixe a los grupos parllamentarios que conviertan a la televisión y a la radio pública nun instrumentu al serviciu de la sociedá asturiana, fomentando la industria audiovisual y l’usu del nuestru idioma.
Ye de reseñar que RTPA ye un mediu públicu que, d’alcuerdu cola llexislación vixente -Estatutu d’Autonomía y la Llei d’Usu del Asturianu-, tien qu’usar y fomentar l’usu del idioma. Sicasí, la dexadez de funciones de los gobernantes, oposición y dirección de RTPA despreció hasta’l momentu la llexislación autonómica

XUNTA POLA DEFENSA DE LA LLINGUA ASTURIANA

La XDLA pide a los partíos políticos que negocien un articuláu sobre la presencia del idioma na llei nueva de RTPA

Xue, 17/04/2014 - 11:39

 De momentu, IX y Foru Asturies presentaron enmiendes p’ameyorar la situación del asturianu nos medios públicos

Depués de qu’un diariu dixital n’asturianu diera a conocer les enmiendes presentaes por Foru Asturies y Izquierda Xunida sobre la presencia del idioma na RTPA na llei que se ta tramitando nestos momentos na Xunta Xeneral, la Xunta pola Defensa de la Llingua Asturiana (XDLA) pide a tolos partíos con representación parllamentaria qu’alcuerden una posición común qu'afite a la RTPA como ferramienta de normalización social del asturianu.

De momentu, Foru Asturies presentó una enmienda que reclama que RTPA ayude a la normalización del asturianu y del gallego-asturianu y onde esixe la creación d’una industria audiovisual al traviés de la emisión de toa clas de conteníos nestes llingües. Pela so parte, IX demanda un porcentaxe mínimu n’asturianu del 30% de los espacios, “incluíos los informativos”, y pide facer desconexones en gallego-asturianu “nes zones onde constitúi modalidá llingüística propia”. Amás, propón la presencia d’un representante de l’Academia de la Llingua Asturiana nel Conseyu de Comunicación de RTPA.

De mano, la XDLA entiende que la enmienda que meyor recueye l’espíritu del manifiestu ‘Cinco puntos por unos medios al serviciu públicu d’Asturies’, al que se sumaron una trentena d'entidaes y que se presentó na sede de l’Academia, ye la presentada por Foru Asturies, que desarrolla’l mandatu del Estatutu d’Autonomía y la Llei d’Usu del Asturianu, principios que nun tienen güecu na norma actual. Les enmiendes d’IX, anque ameyoren lo qu'hai, nun son un avance sustancial: siguen supeditando l’asturianu a los campos de la educación y la cultura y falen de "promocionar el bable/asturianu", non d’emitir n’asturianu. Tampoco tien sentíu referise al gallego-asturianu cola denominación de "modalidá llingüística" y pidir que s’emita la programación namás nes zones nes que se fala y non en tol territoriu asturianu.

 Otra manera, la inclusión de l’Academia de la Llingua Asturiana (ALLA) como miembro del Conseyu de Comunicación pareznos fundamental, polo que pidimos a tolos partíos qu’apoyen esta propuesta d’IX. Too esto nun quita pa solicitar la creación d’un Conseyu Llingüísticu Asesor —con presencia de l’ALLA, Universidá, Dirección Xeneral de Política Llingüística y profesionales— encargáu de velar poles emisiones, modelu de llingua, proponer modelos de programación, etc.

P’acabar, la XDLA quier felicitar a estes dos formaciones por defender una presencia mayor del nuestru idioma en RTPA, dalgo que choca cola actitú de los otros tres partíos con representación parllamentaria. Nesi sentíu, nun ta de más recordar que los grupos que nun fixeron observaciones sobre la presencia del idioma na RTPA entá van tener otra oportunidá de facelo, en pasando'l Plenu de Totalidá, una y bones el PP anunció que nun va refugar el debate sobre la Llei. Ye de reseñar que RTPA ye un mediu públicu que, d’alcuerdu cola llexislación vixente, tien qu’usar y fomentar l’usu del idioma, amás d’atender al interés xeneral de la sociedá asturiana.

Naide pue negar que la llingua y la cultura propia tienen interés dientro de la nuestra sociedá, dalgo que saben en TPA al ver les audiencies de los sos programes n’asturianu. Por exemplu, los dos programes non informativos de más audiencia del mes de marzu, según la empresa Kantar Media, foron dos n'asturianu. Por eso, la dexadez de funciones d'estos otros tres partíos pareznos un despreciu a la llexislación autonómica, a los medios de comunicación públicos, al deséu de la sociedá asturiana y la nuestra identidá como pueblu. Quier dicise: un despreciu a Asturies.

FONTE: XUNTA POLA DEFENSA DE LA LLINGUA ASTURIANA

Foro e IU quieren más asturiano en la RTPA

16.04.14 - 00:22 -

Tanto Foro como IU coinciden en solicitar mayor protección para el asturiano y el gallego asturiano así como un marcado carácter normalizador de la llingua en la TPA y la RTPA, a través de varias enmiendas al Proyecto de Ley de la segunda reestructuración del sector público que está en trámite. IU quiere que se incluya un 30% de programación en lengua autóctona.

FONTE: EL COMERCIO

Foro apuesta pola presencia del asturianu na RTPA y IX quier un mínimu del 30% de la programación

Abril 15, 2014 por Pablo R. Guardado

La RTPA ha de contribuyir al procesu de normalización y propiciar la creación d’una industria audiovisual, apunta Foro na enmienda que presenta a la  llei de reforma del sector públicu. IX quier una presencia mínima del 30 por cientu.

Asturies.com tuvo accesu a les enmiendes presentaes poles dos formaciones, documentos nos que dambes apuesten pola presencia de les llingües d’Asturies nel ente públicu de comunicación. Nel casu de los foristes, la so propuesta de modificación del Proyeutu de Llei del Principaú d’Asturies de Segunda Reestructuración del Sector Públicu Autonómicu avérase a lo reclamao por 30 coleutivos nel manifiestu de nome ‘Cinco puntos por unos medios al serviciu públicu d’Asturies’ lideráu pola Xunta pola Defensa de la Llingua Asturiana y dao a conocer de forma pública na sede de l’Academia de la Llingua Asturiana (ALLA). Asina, el testu presentáu por Cristina Coto apunta que la RTPA “ha de ser espresión y soporte inequívocu del desarrollu cultural y inmaterial” del país, polo qu’entiende que “debe contribuyir al procesu de normalización social del asturianu y del gallego-asturiano posibilitando la espresión de tola clase de conteníos y comunicaciones en cualquiera de les dos llingües propies de la nuesa comunidá y respetando’l pluralismu de la nuesa sociedá”.
D’igual forma, señala que “debe garantizar l’accesu de tolos segmentos de públicu, edaes y grupos sociales a los xéneros distintos de programaciones (informativos, cultural, deportiva, social, infantil, etc.) en llingua asturiana propiciando’l so prestixu y promoviendo una industria audiovisual que garantice la producción y la calidá d’estos conteníos”. Pa xustificar la inclusión d’esti apartáu na llei nueva, fai referencia al desarrollu del mandatu del Estatutu d’Autonomía y la Llei de Promoción y Usu del Bable/Asturianu, principios que nun tienen güecu na norma actual.

Programación en tolos xéneros, incluyíos los informativos
Izquierda Xunida (IX), nes sos enmiendes, demanda un porcentaxe mínimu del 30 por cientu del total de la programación: “Pa favorecer una promoción y proteición del bable/asturianu adecuada, al menos un trenta por cientu del total de la programación en tolos xéneros, incluyíos los informativos, deberá difundise nesa llingua. D’igual forma garantizaráse la presencia del gallego-asturiano nes zones nes que constitúi modalidá llingüística propia”. Al mesmu tiempu, pide “la promoción de la cultura, particularmente de la cultura asturiana y la orixinada na comunidá autónoma, y la educación, con especial proteición del bable/asturianu, mediante la promoción del so usu y difusión, asina como del gallego-asturiano nes zones nes que constitúi modalidá llingüística propia”.

Por último, propón la presencia d’un representante de l’ALLA, asina como de la Universidá d’Uviéu y del Conseyu Escolar del Principáu d’Asturies, nel órganu xestor del ente públicu de comunicación.

Fonte: Asturies.com

CC OO Enseñanza súmase al manifiestu que demanda una RTPA “al serviciu d’Asturies"

Marzu 26, 2014 por Pablo R. Guardado

Coleutivos nuevos sumáronse al documentu ‘Cinco puntos por unos medios públicos al serviciu d’Asturies’, entamáu pola XDLA y presentáu hai poco más d’un mes na sede de l’ALLA. El Sindicatu d'Enseñanza de CC OO d'Asturies ye ún d’ellos.
Tamién roblen esti manifiestu l’Asociación Lázaro Cárdenas, la Banda Gaites Castrillón y la Unión d’Actores d’Asturies, aumentando asina hasta 30 el númberu d’organizaciones que demanden que la llei nueva que va regular la Radio Televisión del Principáu d’Asturies tenga en cuenta cinco puntos “irrenuciables”:

• RTPA tien qu’ufrir un serviciu públicu pa la sociedá asturiana al traviés d’una programación de calidá nes llingües propies d’Asturies, plural y respetuosa coles audiencias, con conteníos empobinaos al interés públicu y de producción propia, asumiendo un rol compensatoriu d’otres cadenes públiques o privaes.
• RTPA tien que cumplir l’oxetivu fundamental d’impulsu y normalización del asturianu y del gallego-asturianu.
• RTPA tien que ser exemplar nel so compromiso colos elementos fundamentales y actuales de la cultura asturiana.
• RTPA tien que ser un referente nel panorama audiovisual asturianu, convirtiéndose nel principal impulsor del mesmu.
• En resume, RTPA, como serviciu públicu que ye, ha contribuir al procesu de normalización social del asturianu y gallego-asturianu, garantizando l’accesu de la ciudadanía a conteníos na llingua propia en tolos xéneros y promoviendo una industria audiovisual que garantice la producción d’estos conteníos.

Completen la llista d’organizaciones que sofiten el documentu, amás de la Xunta pola Defensa de la Llingua Asturiana (XDLA) y l’Academia de la Llingua Asturiana (ALLA), l’Asociación Cultural Rapalacóis, l’Asociación de Trabayadores pola Normalización Llingüística, Ástura, Atenéu N’Alfoz, Banda Gaites Ribeseya, Colectivo Trafego, Conceyu Universitariu pol Asturianu, Conseyu de la Mocedá del Principáu d’Asturies, Conseyu de la Mocedá de Xixón, Corriente Sindical d’Izquierda (CSI), Ensame Xuvenil Trisquel, Foroescena, Fundación Belenos, Fundación Caveda y Nava, Grupu de Baille Tradicional San Félix de Candás, Iniciativa pol Asturianu, Producciones Nun Tris, Reciella, Sociedá Cultural Xixonesa, Softastur, Sindicatu Unitariu Autónomu de los Trabayadores de la Enseñanza d’Asturies (SUATEA), Xeira, Xunta Estudiantil Asturiana y Xunta Moza. El testu completu ta disponible nel blogue ‘Cinco puntos por unos medios al serviciu públicu d’Asturies’ y toles entidaes que deseen sofitar el manifiestu pueden facelo al traviés del corréu electrónicu 5puntosxrtpa@gmail.com.
Diez propuestes pa visibilizar la Selmana de les Lletres nel ente públicu
La XDLA tamién unvió recién a Política Llingüística y a la direición del ente públicu de comunicación el documentu ‘Protocolu pa la visibilidá de la Selmana de les Lletres en RTPA’. Ésti consta de diez propuestes qu’ayudaríen “a visibilizar les actividaes y la llingua propia na emisora”, amosando asina un compromisu pa col idioma. Nel testu, la organización demanda un bon tratamientu nos informativos, un actu simbólicu na RPA pal Día de les Lletres Asturianes, la emisión de los actos entamaos pol Gobiernu y l’Academia de la Llingua Asturiana a lo llargo de la Selmana, un especial de ‘Sones’ o programación infantil n’asturianu, ente otres suxerencies.
A esti documentu súmase’l pidimientu anterior de que se festexe la Selmana de les Lletres Asturianes, qu’esti añu ta dedicada al cómic, cola emisión d’una película d’animación n’asturianu. La XDLA recuerda que la Federación d’Organismos de Radio y Televisión Autonómicos (FORTA), a la que pertenez RTPA, tien los derechos d’emisión de siete filmes d’animación de ‘Astérix’, personaxe que fala asturianu na so aventura última en cómic con un ésitu pergrande en ventes (2.000 exemplares), asina como d’otres basaes en series de ‘anime’ xaponeses como ‘Dragon Ball’, ‘Doraemon’ o ‘El detective Conan’. “Esti apueste pola emisión d’una película d’animación n’asturianu supondría defender la tresmisión xeneracional, dalgo pa lo que cuadra mui bien una xornada como la Selmana de les Lletres, onde la Dirección Xeneral de Política Llingüística y la TPA tienen que collaborar pa da-y la mayor visibilidá posible”, apunten dende’l coleutivu cívicu.

FONTE: ASTURIES.COM

Reclamen que l'asturià tingui més presència als mitjans de comunicació públics del Principat

26/02/2014

BREUS. La Junta per a la Defensa de la Llengua diu que l'idioma només és usat al 5% de les emissions de la TV pública

L'Acadèmia de la Llengua Asturiana i 26 entitats, sindicats i fundacions han demanat a la Junta General (Parlament) que incrementi la presència de les llengües pròpies del país als canals de l'ens públic Radiotelevisió del Principat d'Astúries (RTPA). Les organitzacions han fet la petició un cop la Junta ha iniciat la tramitació parlamentària d'una llei de reestructuració del sector públic, que afectarà sobretot l'RTPA.

Les organitzacions diuen que els canals públics de ràdio i televisió "han d'ajudar al procés de normalització social de l'asturià i del gallec-asturià, garantint l'accés de la ciutadania a continguts en la llengua pròpia en tots els gèneres i promovent una indústria audiovisual que garanteixi la producció d'aquests continguts".

Segons dades de la Junta per a la Defensa de la Llengua Asturiana, la presència de l'asturià no supera el 5% de les emissions de la televisió pública. A la ràdio la xifra és encara més baixa: un 2%. Això, malgrat que l'Estatut d'Autonomia del Principat diu que la llengua "gaudirà de protecció" i que "se'n promourà l'ús, la seva difusió als mitjans de comunicació i el seu ensenyament".

 FONTE: NATIONALIA

Reclamam que o asturiano tenha mais presença nos meios de comunicaçom públicos das Astúrias

A Junta pola Defesa da Língua di que o idioma é usado apenas em 5% de as emissons da TV pública

Segunda, 03 Março 2014 17:30

A Academia da Língua Asturiana e 26 entidades, sindicatos e fundaçons reclamárom na semana passada à Junta Geral (Parlamento) que incremente a presença das línguas próprias do país nos canais do ente público Radiotelevisom do Principado das Astúrias (RTPA). As organizaçons figérom o pedido umha vez a Junta iniciou a tramitaçom parlamentar dumha lei de reestruturaçom do sector público, que afetará sobretodo a RTPA.

As organizaçons dim que os canais públicos de rádio e televisom "tenhem de ajudar ao processo de normalizaçom social do asturiano e do galego-asturiano, garantindo o acesso da cidadania a conteúdos na língua própria em todo os géneros e promovendo umha indústria audiovisual que garanta a produçom desses conteúdos".

Segundo dados da Junta para a Defesa da Língua Asturiana, a presença do asturiano nom ultrapassa 5% das emissons da televisom pública. Na rádio a percentagem é ainda mais baixa: 2%. Isso, a pesar de o Estatuto de Autonomia do Principado dizer que a língua "beneficiará de proteçom" e que "será promovido o seu uso, a sua difusom nos meios de comunicaçom social e o seu ensino".

FONTE: PORTAL GALEGO DA LÍNGUA